ვინ იყო მაინც ეს ქალი, ეს ლიზა დელ ჯოკონდო, რომლის ამოუცნობი ღიმილი აგერ უკვე რამდენი საუკუნეა კაცობრიობას ასე ატყვევებს? მონა ლიზას საქვეყნოდ სახელგანთქმული  პორტრეტი, რომელიც ლეონარდო და ვინჩიმ შექმნა, იდუმალებითაა გარემოცული. ლეონარდო და ვინჩივით არავის შეეძლო დამთვალიერებლის მზერა ასე დაეტყვევებინა. თუმცა ლეონარდო არა მარტო ნიჭიერი მხატვარი, არამედ გენიალური არქიტექტორი, ინჟინერი და გამომგონებელიც  იყო. 

ამ წიგნში ლეონარდოს ცხოვრება და მოღვაწეობა შთამბეჭდავადაა წარმოდგენილი: მრავალრიცხოვანი ოპტიკური ეფექტით, გადმოსაკეცი ფურცლით, გასაშლელი რუკით; დიდი ხელოვანის თანამედროვეთა წერილები და შენიშვნები რენესანსის ეპოქას აცოცხლებს და მკითხველს საშუალებას აძლევს ღრმად ჩასწვდეს ლეონარდო და ვინჩის სამყაროს.